img4

image3

image2

image1

Sportpesa yahamia kwa Simba na Yanga

THAMANI ya Ligi Kuu ya Kenya maarufu kama Kenya Premier League imekuwa ikipanda kwa kasi kubwa na kuanza kurejesha heshima ya soka la Kenya.

Kabla, soka la Kenya lilionekana limepoteza mvuto kabisa na kwa zaidi ya misimu nane limekuwa likisuasua na kuandamwa na migogoro ya kila aina.

Shirikisho la Soka la Kenya (FKF), chini ya mkongwe Sam Nyamweya lilionekana kupoteza mwelekeo na mambo yakazidi kuwa magumu.

Ilifikia wakati kukawa na ligi mbili ndani ya nchi moja. Ligi moja ilisimamiwa na FKF na nyingine bodi ya ligi.

Mwisho wa msimu, kukawa na bingwa wawili, washindi wa pili wawili halikadhalika watatu na wengineo. Hii ilikuwa ni sehemu ya kuonyesha kwamba soka la Kenya limekosa mwelekeo kabisa.

Miaka minne iliyopita wakati Nyamweya anakaribia kuondoka, timu ya taifa ya Kenya “Harambee Stars” chini ya Kocha Adel Amrouche, ilifanikiwa kutwaa ubingwa wa Kombe la Chalenji lililofanyika nchini humo.

Wengi walishangazwa na sifa nyingi zikaenda kwa kocha Amrouche raia wa Ubelgiji mwenye asili ya Algeria. Kwamba ana uwezo wa kufanya katika mazingira magumu kama alivyokuwa akiifundisha Burundi.

Uchaguzi uliofuata, Nyamweya aliangushwa na Nick Mwendwa, akiwa ni rais kijana kushika nafasi hiyo. Wengi waliingiwa hofu angeweza vipi kuendesha mambo naye alikubaliana na hali haikuwa nzuri.

Mwaka wa kwanza, hali ilionekana kuzidi kuwa ngumu na ule usemi kwamba angekwama ukazidi kuchukua nafasi.

Lakini wakati ikionekana na Mwendwa alikuwa ameshindwa, ghafla mambo yalibadilika na kuanza kwenda kwa kasi kubwa.

Wengi wakaonekana kushangazwa kwa kuwa Kenya ilikuwa kati ya timu zilizokuwa chini ya kiwango cha 130 katika viwango vya soka vya Fifa. Hawakuwa tena na tofauti na Tanzania ambao angalau walikuwa na nafuu.

Utaona ule mlolongo wa wachezaji wengi wa Kenya na hata Uganda kukimbilia Tanzania ulizidi kuongezeka kwa kuwa hata zile timu kama Sofapaka zilizokuwa zikilipa vizuri zilidorora na wakongwe Gor Mahia na AFC Leopards walikuwa wameyumba na kuonekana hawana nafasi kwani kila walipoinuka walianza kuyumba tena.

Mwendwa akaonekana ni shujaa, lakini ukweli ni udhamini mnono ambao walianza kuufanya kampuni ya masuala ya michezo ya kubahatisha ya SportPesa.

SportPesa walidhamini timu zote kongwe mbili za Gor Mahia na AFC Leopard na kawaida wao ndiyo chachu ya ushindani. Pia wakadhamini timu nyingine na Nakuru All Stars.

Kama hiyo haitoshi, kampuni hiyo ikaingiza udhamini mnono katika Ligi Kuu Kenya na kufanya kuwe na ushindani zaidi kwa kuwa fedha hizo zinaingia kwenye mifuko ya timu zote 18 zinazoshiriki ligi hiyo.

Ukiangalia thamani ya ligi ya Kenya imepanda, ushindani umerudi na hamasa hata ya mashabiki kwenda viwanjani imerudi kwa kasi kubwa na sasa ni kati ya ligi zilizo juu katika Ukanda wa Afrika Mashariki na Kati.

Taarifa zimekuwa zikieleza SportPesa tayari wako nchini na wamenuia kuzidhamini Yanga na Simba ambazo ni timu zenye mashabiki zaidi katika ukanda huu.

Inawezekana siku moja wakaingia kwenye ligi lakini kampuni hiyo kama itatumika vizuri basi inaweza kurejesha hamasa tena.

Huenda tuaona kawaida lakini mfano mzuri, Simba kwa msimu mzima wa 2016-17 imecheza kwa hasara kama tulivyowahi kuandika makala.

Kwamba hawana mdhamini na vifua vyao ni mali, lakini hakukuwa na aliyeona thamani yao baada ya kujiondoa kwa Kampuni ya Bia Tanzania (TBL).

Shukrani kwa TBL kwa kuwa waliweza kujali angalau kwa misimu kadhaa. Lakini kama SportPesa basi ndiyo wakati mwingine wa kurejesha heshima ya soka nchini.

Hakuna unapoweza kukwepa fedha katika maendeleo ya soka. Vizuri pia kufanya kazi na watu waliojifunza kupitia hatua mbalimbali.

Mfano SportPesa wanadhamini timu ya Ligi Kuu England (EPL), Hull City. Unapozungumzia udhamini wanajua nini cha kufanya kusaidia zaidi.

Kawaida wadhamini walioendelea hupenda mafanikio kwa wale wanaowadhamini. Hii ni nafasi kwa Yanga na Simba kubadili mambo na hasa kama wataingia udhamini, basi fedha watakazozipata ziwe kwa ajili ya maendeleo na si mifuko ya wahusika.

SportPesa ni sehemu wa wadhamini wa klabu maarufu ya Arsenal ya England. Hivyo wanajua kitu kinachoweza kuwasaidia Yanga na Simba lakini soka la Tanzania.

Kikubwa ambacho SportPesa wamekuwa wakikifanya ni kurudisha kiasi cha fedha kwa jamii kama udhamini. Wameweza kuzirudisha Gor Mahia na AFC Leopards katika ramani ya soka zikiwa na nguvu.

Simba na Yanga hazikuwa zimekufa lakini mwendo wao ulikuwa unaashiria “kifo”. Sasa ndiyo wakati mwafaka wa kutumia vizuri udhamini huo unaelezwa kuwa utakuwa mkubwa zaidi kuliko waliowahi kupata hapo awali.

Benki Kuu ya Tanzania (BoT) yaifutia leseni benki ya FBME

Benki Kuu ya Tanzania (BoT) imeifutia leseni ya biashara Benki ya FBME na kuteua Bodi ya Bima ya Amana  kuwa mfilisi kuanzia leo.

Taarifa iliyotolewa na BoT inawataka wenye amana, wadai na wadaiwa kuwa wavumilivu wakati mfilisi akiandaa utaratibu wa kushughulikia stahiki zao.

“Mfilisi kwa wakati muafaka atawafahamisha wenye amana, wadai na wadaiwa  utaratibu wa malipo ya madai, ulipaji wa madeni  na taratibu nyingine zinazohitajika kwa mujibu wa sheria,” inasomeka sehemu ya taarifa hiyo.

Uamuzi huu wa BoT umetolewa baada ya hukumu ya kesi ya utakatishaji fedha iliyokuwa ikiikabili benki hiyo kutolewa.

Itakumbukwa, mwaka 2014, Mtandao wa Kudhibiti Uhalifu wa Masuala ya Fedha (FinCEN) wa Marekani uliitaja FBME kuwa taasisi inayojihusisha na utakatishaji fedha hivyo kuizuia kutoa huduma nchini humo.

Machi mwaka jana, msimamo wa FinCEN uliendelea kuwa huohuo hata Aprili 14, mahakama moja jijini Washington, DC ilitoa hukumu inayoupendelea mtandao huo. Nakala za hukumu hiyo imetumwa kwa BoT na Benki Kuu ya Cuprus kwa hatua zaidi.

Baada ya hukumu hiyo iliyosomwa na Jaji Christopher Cooper, benki hiyo yenye makao makuu yake nchini na matawi huko Cyprus italazimika kurudisha Dola 2.6 bilioni za Marekani ambazo ni amana za wateja wake ndani ya siku 90.

MUHIMU:Hivi Ndiyo Earphone Zilivyo Hatari Kwenye Masikio

Kundi kubwa la watu watumiaji wa spika ndogo za masikioni (earphone), hasa wanahabari na wanafunzi, wako hatarini kupata magonjwa mbalimbali yanayotokana na vijidudu vinavyoambukiza, uchunguzi umebaini.

Uchunguzi huo umebaini kuwa ni jambo lililozoeleka kwa wanahabari wanapokuwa vyumba vya habari au maofisini, kuazimana spika hizo bila kuchukua tahadhari za kiafya.

Mbali na kundi hilo, kundi kubwa la vijana wadogo, hasa wanafunzi, pia liko katika hatari ya kupata maambukizo ya magonjwa ya masikio kutokana na mazoea hayo ya kuchangia matumizi ya spika hizo.

• RAY C Afungukia Skendo Ya Kutoka Kimapenzi na Mbunge Huyu

Watu mbalimbali waliohojiwa, wameelezea kutoelewa athari zinazoweza kusabishwa na kuchangia earphone ambazo huweza kubeba magonjwa ya ngozi na yale ya masikio kutoka kwa mtu mmoja hadi mwingine.

Dk Kareem Segumba alisema uchangiaji wa ‘earphone’ si jambo zuri kwa kuwa husababisha maambukizi ya magonjwa mbalimbali kutoka kwa mtu mmoja aliyeathirika kwenda kwa mwingine.

“Kitaalamu tunasema anapata contagious (maambukizi) ya magonjwa ya sikio toka kwa mgonjwa. Magonjwa haya ni pamoja na fungus ya masikio,” alisema Dk Kareem.

Dk Kareem, ambaye amehudumu katika hospitali mbalimbali nchini, alitaja magonjwa mengine kuwa ni maambukizi ya sikio sehemu ya mzunguko na maambukizi kwenye ngoma ya sikio.

• Huu Ndo Ukweli Kuhusu Unywaji Wa Supu Ya Pweza Kuongeza Nguvu Za Kiume

“Mara nyingi mtu anayeumwa fangasi ya sikio au kutokwa na majimaji kidogo kabla ya kugeuka usaha huwa hawajitambui. Wengi wanajua baada ya kuona usaha,” alisema.

“Si desturi nzuri kuchangia earphone na mtu yeyote kwa kuwa madhara yake ni makubwa na hasa ukizingatia masikio yako karibu sana na ubongo na huenda ukapata maambukizi kupitia mishipa.

“Mishipa ya damu inapeleka vijidudu vya ugonjwa kwenye ubongo na hatimaye kutokea athari nyingine kama uziwi, kupoteza nguvu ya kuona na matatizo kwenye uti wa mgongo.”

Mpigapicha wa kituo cha televisheni cha ITV mkoani Kilimanjaro, Robert Minja alikiri watu wengi hususan wanahabari wamekuwa na tabia ya kuchangia earphone, kwa vile hawajui madhara.

• Orodha Ya Vyakula Vinavyosaidia Kulinda Afya Ya Figo

“Hilo la ku- share earphone (kuchangia) lipo sana na inavyoonekana watu wengi hawajui madhara yake. Tunaona ni mambo ya kawaida lakini kiukweli hii tabia ina madhara ya kiafya,” alisema.

Maulid Rashid, ambaye ni mwanafunzi wa Chuo Kikuu cha Kumbukumbu ya Stefano Moshi (Smmuco) alisema tatizo la kuchangia vifaa hivyo ni kubwa chuoni hapo.

“Ni kweli wanafunzi wengi wanachangia hizo earphone. Nafikiri wanaofanya hivyo hawana uelewa kuwa kuna madhara. Yaani hili ni tatizo kubwa si kwa wanafunzi tu hata watu wa kawaida,” alisema.

• Faida Kumi(10) za Kufanya Mapenzi Wakati wa Ujauzito……Ni muhimu

udaku

image

Serikali Yaanda Muongozo wa Ajira kwa Vijana

Kutokana na Tanzania kuwa na uchumi wa soko huria vijana wengi wameanza kushiriki katika sekta isiyo rasmi hivyo kunawafanya kuchangia nusu ya uchumi wa Taifa katika shughuli zao za kila siku.

Hayo yamesemwa na mkurugenzi msaidizi wa Taasisi ya Soko la Ajira Ofisi ya Waziri Mkuu Kazi, Vijana, Ajira na Walemavu Ahmed Makbel wakati akizungumza kuhusu mikakati mbalimbali na hatua zilizoanza kuchukuliwa na serikali  ili kuhakikisha inawainua vijana kiuchumi.

Makble amezitaka taasisi zisizo za kiserikali kushirikiana na Serikali ili waweze kutekeleza maagizo ya Rais Dkt. John Pombe Magufuli na kuhakikisha vijana wanafanya kazi zenye staha na kipato kizuri pamoja na mazingira mazuri ya kazi.

Mkurugenzi huyo amesema serikali imeanza kufanyia kazi baadhi ya mapendekezo ya wadau wa maendeleo kuhusu kuwainua vijana kuanzia kwenye vipato vyao vya kila siku sambamba na kuhakikisha fedha mbalimbali zinazotolewa na serikali ziwafikie walengwa wa mifuko hiyo.

Makbel ameongeza kuwa wahusika wakuu wa serikali kuanzia ngazi ya mtaa watoe mazingira rafiki kwa vijana ili waone wao ni sehemu kubwa yakuchangia pato la taifa na serikali kuu wameanza vikao vya pamoja ili waone wanatekeleza vipi mipango ya kukuza uchumi wa vijana.

Madereva Watatu wa Malori Wajeruhiwa Kwa Risasi na Mlinzi wa Hoteli

Madereva watatu wa malori yaendayo mikoani na wasaidizi wao watatu, wamenusurika kifo baada ya kupigwa risasi sehemu mbalimbali za mwilini na mlinzi wa nyumba moja ya wageni iliyopo Ubena, Chalinze mkoani Pwani.

Tukio hilo limetokea jana alfajiri saa 11.30 kwenye hoteli hiyo ambako madereva na wasaidizi hao walikuwa wamefikia kwa mapumziko kabla ya kuendelea na safari. 

Kamanda wa Polisi Mkoa wa Pwani, Boniventura Mushongi alisema tukio hilo lilitokea baada ya kuwapo kutokuelewana kati ya mmoja wa madereva na mlinzi wa nyumba hiyo.

Kamanda Mushongi alisema taarifa za awali zinasema baada ya mabishano hayo ambayo bado hayajajulikana chanzo chake, mlinzi huyo alikoki silaha yake aina ya Shortgun na kupiga risasi moja hewani kutuliza vurugu na kumjeruhi mmoja wa madereva hao.

Hata hivyo, mabishano yalizidi baada ya madereva wengine kujitokeza kuingilia ndipo mlinzi huyo akapiga risasi nyingine ambayo ilitoka na gololi zake kusambaa na kuwajeruhi wengine wanne ambao walipelekwa Kituo cha Afya Chalinze kwa matibabu.

Alisema mlinzi huyo amekimbia na anaendelea kutafutwa na chanzo cha tukio hilo kinachunguzwa.

Mganga Mkuu wa Hospitali ya Chalinze, Dk Victor Bamba alisema walipokea majeruhi watano ambao walipatiwa huduma ya kwanza na kutokana na hali zao kuwa mbaya walihamishiwa Hospitali ya Tumbi.

Akizungumza wodini Tumbi walikolazwa, mmoja wa madereva hao, Harun Adeli alisema walifika hapo juzi saa mbili usiku na kuamua kulala ndani ya magari yao ili jana waendelee na safari na ilipofika saa kumi na moja alfajiri walisikia makelele yanayoashiria ugomvi ndani ya hoteli hiyo.

“Wakati tunashangaa tulishtukia risasi zinarindima na ndipo zilipotufikia,” alisema.

Muuguzi wa zamu katika Hospitali ya Tumbi, Habibu Yahaya alisema aliwapokea majeruhi Stephen Fredy, Beno Henry, Akrey Dallu, Ramadhani Saidi, Amani Almasi na Adel wote wakazi wa Dar es Salaam.

Diwani wa Ubena, Nicolaus Muyunga alisema kwa mujibu wa majirani, yalitokea mabishano kati ya utingo na dereva ambao walikuwa wamekunywa na kulala kwenye meza muda mrefu, walipotakiwa kuchukua vyumba wakalale ndani au warudi katika magari yao walikataa na mlinzi alipotaka kuwaondoa kwa nguvu walimzidi nguvu, hivyo akajitetea kwa kupiga risasi hewani.

Mtoto wa Siku Moja Aibwa Hospitali ya Rufaa ya Bugando

Mtoto wa siku moja ameibwa katika mazingira ya kutatanisha katika Hospitali ya Rufaa ya Bugando, akiwa pembeni mwa mama yake aliyekuwa amelala, mwenye umri wa miaka 16.

Akizungumzia uporaji huo jana, Kamanda wa Polisi wa Mkoa wa Mwanza, Justus Kamugisha, amesema aliyepora mtoto huyo aliingia ndani ya wodi ya wazazi ya Hospitali ya Rufaa ya Bugando, akiwa amejifunga ushungi.

“Alipoingia wodini alikuta mama wa mtoto amesinzia akiwa peke yake wodini, ndipo akamuiba mtoto wake wa kike mwenye umri wa siku moja na kuondoka naye kwenda kusikojulikana,” alisema.

Kwa mujibu wa Kamanda Kamugisha, Jeshi la Polisi limeanza uchunguzi wa tukio hilo kwa kuhoji wauguzi, walinzi na wazazi waliokuwa wamelazwa wodini hapo.

Katika hatua nyingine, Kamanda Kamugisha amesema Jeshi la Polisi mkoani humo, litaanza kufanya uhakiki wa silaha kuanzia Aprili mosi hadi Juni 30 mwaka huu, katika ofisi za makamanda wa Polisi wa wilaya zote za Mkoa wa Mwanza.

Amesema uhakiki wa silaha ni wa kitaifa na utahusu wamiliki binafsi, kampuni binafsi na taasisi mbalimbali za Serikali na zisizo za kiserikali zinazomiliki silaha.

“Lengo ni kupata kumbukumbu ya uhalali wa umiliki wa silaha. Watu wote wanaomiliki silaha watii agizo hili bila kulazimishwa, ili tufanikishe uhakiki kwa wakati na tuimarishe usalama katika mkoa wetu,” alisema.

Aliwataka watu wanaomiliki silaha isivyo halali, kusalimisha silaha hizo wenyewe kwenye ofisi za Serikali na kwa wakuu wa Polisi wa wilaya (OCD) kabla ya muda wa uhakiki wa silaha kumalizika.

“Baada ya hapo tutafanya msako kabambe wa watu waliokaidi kuhakiki silaha zao,” alisema.

KWELI DUNIA IMEISHA: GIGY MONEY ADAI YUPO TIYARI KUCHEZA PICHA CHAFU

Muuza nyago kwenye video za wasanii wa Bongo Fleva, Gift Stanford ‘Gigy Money’.

 Video Queen na msanii wa filamu Bongo, Gift Stanford ‘Gigy Money’ ameweka wazi kuwa yupo tayari kucheza picha za ngono endapo atapata mshiko wa maana.

Akistorisha na paparazi, Gigy alisema kwa kuwa anatafuta fedha ya kubadili maisha yake, anaweza kufanya tendo hilo kwa sababu anahitaji kuishi kitajiri zaidi kwani maisha ni matamu sana ila ni mafupi kwahiyo haoni sababu ya kutokujiachia.

Aliendelea kusema kuwa amewahi kufuatwa na watu mbalimbali kutoka Dubai wakimtaka kwenda kucheza filamu hizo, lakini alikataa kutokana na fedha walizomtajia kuwa ni kidogo na hakuwa tayari kwa muda huo ila kwasasa niko tiari, njooni tufanye business ila dau liongezeke.

“Yaani nikiambiwa napewa mamilioni nicheze picha hizo nipo tayari maana hapa duniani wanaokula starehe zaidi ni wale wenye fedha sasa nikipewa mamilioni ili nibadili maisha yangu, niko tayari maana nitabadili maisha yangu na nitaishi kitajiri hapo mpaka watu waje kunishtukia nitakuwa nimeshakula bata vya kutosha,” alisema Gigy. Hata hivyo Gigy hakutaja dau kamili la fedha anachohitaji ali acheze picha za ngono.

Gigy Money ni miongoni mwa ma-video Queen chipukizi wanaofanya vizuri katika video za wasanii wa muziki wa kizazi kipya.

CHIDI BENZ APELEKWA BAGAMOYO SOBER HOUSE KWA AJILI KUMSAIDIWA KUACHA MATUMIZI YA MADAWA YA KULEVYA

Meneja wa Diamond, Babutale akishirikiana na Kalapina wamemchukua Chidi Benz na kumpeleka Life and Hope Rehabilitation Organization iliyopo Bagamoyo kwa ajili kumsaidiwa kuacha matumizi ya madawa ya kulevya.

Hatua hiyo imekuja baada ya hivi karibuni rapa huyo kuomba msaada baada ya kuona ameshindwa kukabiliana na matatizo ya kiafya ambayo yamekuwa yakimkabili.

Kupitia instagram, Babutale amepost video na kuandika:

"Mwana amekubari kukaa Soba ila anasisitiza wana mje kumtembelea kumpa hope na kuleta mapokopoko manjari. Mungu bariki hii safari ya matumaini"

Katika video hiyo Babu Tale alisema wamefika salama Life and Hope Rehabilitation Organization, Huku Kalapina akiomba mungu kumsaidia Chidi Benz.

SIRI 5 NDOA YA WASTARA KUVUNJIKA!

Msanii wa filamu Bongo, Wastara Juma siku ya harusi yake na mbunge wa Jimbo la Donge, Zanzibar, Sadifa Juma.

DAR ES SALAAM: Saa 24 tu tangu kupatikana kwa habari kwamba, ndoa ya staa wa sinema za Bongo, Wastara Juma aliyoifunga na Mbunge wa Jimbo la Donge, Zanzibar, Sadifa Juma imevunjika, sasa siri 5 za kuparaganyika kwa ndoa hiyo ziko mikononi mwa gazeti hili.

Ndoa hiyo ilidaiwa kuvunjika rasmi Machi 21, mwaka huu baada ya kuishi kwa siku 61 tangu kufungwa kwake, Januari 8, mwaka huu huko Tabata jijini Dar.

SIRI YA KWANZA

Kwa mujibu wa chanzo chetu kimoja, miongoni mwa siri hizo zilizoisukuma ndoa hiyo kuvunjika ni kitendo cha Wastara kuomba kila kukicha kwamba, aachike baada ya madai kwamba, hakukuta furaha kama alivyotegemea.

“Wastara alitegemea kwamba baada ya kuolewa angekuta furaha. Lakini anavyosema jambo hilo silo alilokumbana nalo ndani ya ndoa. Hiyo ni siri moja wapo, ikamfanya Wastara amuombe Mungu kila siku ili aachike,” kilisema chanzo hicho.

….Akitabasamu siku ya harusi yake na mbunge huyo.

SIRI YA PILI

Chanzo kiliendelea kudai kuwa, pia Wastara aliingia kwenye ndoa hiyo huku moyo wake wote ukibaki kwa mchumba wake wa zamani, Bond Suleiman.

“Wastara tangu akiwa ndani ya maamuzi ya akubali au akatae kufunga ndoa na Sadifa, alikuwa akisema moyo wake umeelekea sana kwa Bond.

“Hivyo naamini kuwa, hata alipoambiwa anapewa talaka aliipokea kwa mikono miwili ili arudi kwa Bond. Mimi naamini hivyo,” kilisema chanzo.

WASTARA MWENYEWE NA SIRI NYINGINE

Akizungumza na gazeti hili juzi, Wastara alikiri kuvunjika kwa ndoa yake huku akisema:

“Tangu nifunge ndoa sijawahi kuwa na furaha ndani ya ndoa hata mara moja kwani mume wangu alikuwa akinifanyia mambo siyo.

SIRI YA TATU

“Kabla hajanioa, aliniahidi vitu vingi ikiwemo kunifungulia maduka kwa ajili ya kujiendeleza na vitu vingine vingi lakini hakuna hata kimoja alichokifanya,” alisema Wastara.

SIRI YA NNE

Staa huyo alikwenda mbele zaidi na kuanika siri ya nne akisema: “Nilipoona ndoa imenichosha nikawa najaribu kutishia kuondoka, nikimwambia naondoka alikuwa akiniambia njia nyeupe niondoke mapema ili mke wake (mkubwa) aje kuishi. Inaonekana alitamani niondoke ili mke wake aje kukaa nyumbani. Alisema mke wake hawezi kukaa hotelini na mimi nipo ndani.”

….Akiwa na mashosti zake.

SIRI YA TANO

Ilidaiwa kuwa, siri nyingine iliyomfanya Wastara aachike ni kushindwa kwake kukabiliana na uke wenza hasa ikielezwa kuwa, uvumilivu wa hali ya juu unahitajika unapoingia kwenye ndoa ya sampuli hiyo.

“Unajua siri nyingine ni kwamba, Wastara siyo mwanamke wa kuvumilia uke wenzake, yapo baadhi ya mambo angevumilia lakini hakuwa mvumilivu, ikawa sababu ya yeye kuondoka,” alisema rafiki wa karibu wa staa huyo.

AONDOKA NA MSICHANA WA KAZI

Wastara alisema kuwa, ameamua kuondoka kwa mwanaume huyo yeye na msichana wake wa kazi ‘hausigeli’ kwa kuwa alishachoka.

ANACHOJUA WASTARA

“Mimi najua watu wengi watasema na kuniona tofauti lakini kikubwa naangalia furaha yangu iko sehemu gani, najuta sana kuingia kwenye ndoa lakini nawashauri wanawake wenzangu kufikiria mara mbilimbili kabla kuingia huko, kuna mambo mengi sana,” alisema Wastara.

HUYU HAPA MUME WA WASTARA

Sadifa Juma ndiye anayelalamikiwa na Wastara kwamba hakumtimizia yale aliyomwambia lakini pia ndiye anayedaiwa kumpa talaka Wastara na si kwamba, ameomba yeye.

Akijibu madai ya Wastara alipoongea na gazeti hili juzi kwa njia ya simu, alisema:

“Mimi si mgonjwa wa akili, Wastara  ni mlemavu, hana baba wala mama halafu leo hii nimseme vibaya. Mpaka nimeamua kumuoa ina maana nilimpenda kwa nini nimfanyie vitu ambavyo sivyo?

“Lakini katika hayo, pia mimi nimefundwa kwa kufundishwa kwamba mambo ya ndoa hayapelekwi kwenye vyombo vya habari au Instagram. Na huyo aliyevianika vitu vya mke wangu nitadili naye.”

MSISITIZO WAKE

“Ninachojua mimi, Wastara bado ni mke wangu. Huyo mnayesema kwamba babu yake ameongea kwenye redio akisema kwamba nimemwacha Wastara, talaka alitoa yeye? Mambo ambayo mimi naweza kuyasema kwenye vyombo vya habari ni kuhusu jimbo langu au mambo ya Chama Cha Mapinduzi (CCM) ambacho ni chama changu.”

BOND: MIMI NIMESIKIASIKIA TU

Ijumaa lilimpigia simu Bond juzi na kumuuliza kuhusu Wastara kuachika ambapo alisema: “Na mimi nimesikiasikia na kusoma kwenye mitandao, hivi ni kweli?” (Ijumaa likaachana naye bila kumpa jibu).

MAISHA YA UHUSIANO, NDOA YA WASTARA

Wastara amapitia katika maisha ya uhusiano na ndoa kwa wanaume kadhaa. Mwaka 2000 alifunga ndoa na mwanaume anayeitwa Ahmed Kushi kutoka Zanzibar na kuzaa naye mtoto mmoja aitwaye Fares.

Nyuma ya hapo, Wastara alizaa mtoto mmoja na Mwanamuziki wa Kizazi Kipya, Msafiri Kondo ‘Solo Thang’.

Mwaka 2003, Wastara alifunga ndoa na msanii mwenzake wa filamu, Juma Kilowoko ‘Sajuki’ ambaye alifariki dunia mwaka, 2013. Walibahatika kuzaa naye mtoto mmoja aitwaye Farheen.

Mwaka 2015, akafunga ndoa na Mbunge Sadifa akitokea kwenye uhusiano na msanii wa filamu, Bond na aliyodai kuyasema ndiyo hayo kwamba ameachika kwa talaka mbili huku mumewe huyo akikanusha.

Hata hivyo, wakati tunakwenda mitamboni, habari zilitua Ijumaa kwamba Wastara ameugua ghafla baada ya sukari kupanda akiwa mjini Morogoro na kulazwa Hospitali ya ST. Herry Health

CREDIT:GPL